香港新浪網 MySinaBlog
« 上一篇 | 下一篇 »
hkleftist | 22nd Aug 2005, 11:46 AM | 反私有化 | (480 Reads)
最近yahoo留言板多了很多法西斯垃圾,特別寫了一堆短文用來對付,大家得閒可以到哪裡打下筆戰,有時簡歡迎盡力轉貼以下文章,版權向左派同志開放http://hk.messages.yahoo.com/news/forum.html?board=nfchk1thelink&sig=7013982eff39901baa5566797e8018ca&title=%A9%D0%A9e%B7%7C%A8M%A9w%C0%C1%B8m%BB%E2%B6%D7%A4W%A5%AB

最後,狂賀,基層市民成功阻截香港第一波大型私有化!為反新自由主義揭開新章!
阿婆的確係挺身而出,保衛居民的生命。

私有化,最終受害還是大家,一個也不能逃,就以房委會為例,成日喊財赤,但係就年年又盈餘,今年又賺七億,其中最主要部份都係來自商場和停車場的盈利,如果唔埋商場,其實根本就不會出現財赤。

正如今日鍾劍華在明報所言,私有化並不能解決財赤,反而會因為賣去有賺錢能力的資產,導致財路頓斷,日後財政更嚴重。

又正如梁展文自己爆料,房委會不是沒錢,現有15000多個居屋單位,成1000億的資產,只不過要為了地產商利益,才托市唔賣居屋。這是問題的實質。

私有化後,一切以利潤而需要行先,在西方各國,已有很多先例指出私有化後服務質素下降,當中最出名的是英國鐵路(最近已重新國有化。),私有化,實際上是 分家產給財團,有人說小股民也會獲益,但請知道,相對大財團,小股民只是九牛一毛,賺了利息,但輸了公共服務、輸了服務價格的上升、輸了私有化後的裁員減 薪,結果都係得不嘗失。

在這個意義上,阿婆的確係挺身而出,保衛居民的生命。

-----------------------------------
反擊方向報造謠

據說方向是引述醫生的,我今天才知道原來醫生是可以這樣把病人的私隱公開出來,我覺得這涉及病人權益。

當然一個更大的可能性,這個所謂醫生,其實係老作出來。

一係方向報協助泄露病人資料,一係老作新聞誹謗,兩件事都係缺德已及違法的!一些人甘願做幫兇,用一些可信度極低的未經証實消息,攻擊一個手無串鐵阿婆,是非常卑鄙的,這樣下去,香港傳媒都可以收皮。

-----------------------------------
崽賣爺田心不痛

每年房委會商場停車場都有成40億租金,年年有錢賺,而家房委會將者會生金蛋既鵝賤賣,即係斷左房委會財路,加速財赤,崽賣爺田心不痛。出來反對 私有化,不但是為了基層,而且也是為了全港事民,因為房委會是的資產是公家的,你、我、盧婆婆都有份,如果化公為私,第時邊個有錢就可以擁有房委會資產, 講到最尾,咪又係益國際財團。所以阿婆今次的反私有化行動,有良心的人都應該要支持。

-----------------------------------
公屋真係年年虧蝕嗎?

我地成日聽話公屋維修好貴,政府年年都要補帖唔知幾多億,其實事實唔係咁。

2003-2004年公屋收,租金收入106億,支出107億,微量虧損0.85億,即平均每戶每月虧損10元,公屋居民基本自給自足。

當中原來只有24%,即26億支出係用於維修及改善工程。
咁其他錢用o係邊呢?

原來有20億(19%)係用來俾包括梁展文孫九招在內的官員人工
有27億(27%)係用來俾折舊,而折舊其實係應該由業主而非租戶負擔的。
更奇怪的是,有22億(21%)係叫「其他開支」,這個其他開支用左係邊,我地完全唔知道。

所以所謂公屋維修好貴,導致公屋蝕本,其實係一個騙局,實際上,公屋維收費只係開支的1/4

其他開支就用左係高官人工、本來業主負責既折舊,以及完全唔知用o係邊既「其他開支」。

由此知道,公屋居民靠租金,其實係完全養得起自己有餘,只不過要養埋高管,養埋房委,養埋d唔知點洗既項目,才搞到極輕微的虧損。呢條虧損數,本 來應該係房委高官管理上既責任,很不幸佢地將呢條數入晒落公屋居民度,然後借此賤埋資產。可憐我們普羅市民,還蒙在股裡,本來一條船既自己中產基層鬼打 鬼,最終益晒d托市地產商。

---------------------------------------
納稅人/政府有沒有資助公屋居民?

有些人一天到晚說政府資助公屋,其實這完全是無事實根據的,根據資料顯示,政府只在曾一次過撥款100多億給房委會,然而這些都是要給利息和分紅 的,直到現在公屋居民已上繳分紅達300億,是本金的三倍,政府就像大耳隆一樣,只能讓居民一還息,不能還本金。如果這也叫資助,那麼放貴利也可以叫資 助!
---------------------------------------
反政客假,法世斯真

最近有些人大聲疾呼要反政客,在報章卻得知原來是有政客打算資助和聲援。所謂反政客,只不過是借一部份政客打擊另一部份政客。

因此,我覺得我們不但要反一小撮政客,而是要反最廣大政客,要反對包括泛民派及保皇黨的政客。而且不應用軟弱無力的遊行,如果有2000人,何不包圍民主黨、自由黨、民建聯、45條關注組、長毛鄭經瀚等黨部和議員辦事處,要求政客出來面對群眾直接質詢。

現在有人只把目標局限在一小撮政棍上,其實是放過背後一大撮政棍,是掛羊頭賣狗肉、偽民主、真保皇。掛著「維護自由經濟」的爛招牌,實際上為財團開路,甘當法西斯的近衛軍。

反政客要做到底,要反就把全部都反,不論甚麼派別,反一派不反另一派是假情假意,變成另一批政客的工具!

-------------------------------
房委破產是謊言


其實房委會冇財赤,今年先賺七億,引述梁展文所言,房委會仲有成1000億資產,唔會破產,唔好忘記,房委會還有15000個居屋單位養老鼠,唔 好忘記,商場停車場是年年為房委會帶來40億租金,係房委會主要收入,如果私有化賣左佢,到時就真係財赤喇,而家私有化喊停,起碼都冇斷財路。

------------------------------------
最後一刻先入稟?

其實第一庭高院法官已經清楚說明,原訴人是以最快的速度入稟的了,房委會向外公佈法售商場名單都只是三四個星期前,房委會18個月前曾出私有化政策文件,但當時冇提及領匯上市具體內容,之後也從來沒諮詢過居民,這一點孫明揚都認衰啦。

-------------------------------------
公屋居民反私有化的原因?

很簡單,因為停車場和商場都係房委會收入主要來源(每年最少40億),如果一次賣斷,將來房委會就會斷水路,房委會有三條大水口,1.賣居屋 2.商場收入 3.公屋租金。三條水候前兩條都閂左,咁最後要維持收支平衡就只能夠加租。

第二,商場私有化,租金必加,或者會做成壟斷,導致商場物價上升,公屋戶中有1/5係綜援戶,1/4係長者,物價稍脹都會嚴重影響佢地。

因此,公屋居民反對私有化絕對唔係玩野,而係正如盧婆婆所講,係生存問題!
--------------------------------------
領匯上市私有化,香港政府最少每年損失7億!

唔講你唔知,房委會d停車場商場盈餘只有一半係房委會,另一半係要上繳俾政府架,以2002-2003年為例,房委會盈餘為14億,政府凈收分紅 7億大元。如果商場私有化後,呢筆錢政府就以後冇得收,用中產班友既述語:「今次呢個孫明揚都賤囉,唔聲唔聲拿納稅人d錢去派,仲要派埋俾國際財團添,真 係唔得你死!」
其實公屋商場係包括基層、中產在內全部市民既公家資產,我地應該共同捍衛,而唔係拿去市場上益財團。